1. კლუბის მიზანია მოსწავლეთა ინტელექტუალური პოტენციალის მაქსიმალური წარმოჩენის ხელშეწყობა, მოსწავლეთა ზოგადი განათლების გაღრმავება და ინტელექტუალური რესურსის რეალიზაციის უნარების განვითარება.
2. კლუბის ფუნქციებია:
ა) მოსწავლეებში ინტელექტუალური აქტივობების პოპულარიზაცია;
ბ) ინტელექტუალური თამაშებისა და ღონისძიებების დაგეგმვა, ორგანიზება და ჩატარება;
გ) მოსწავლეებში სხვადასხვა დისციპლინებისადმი ინტერესის ზრდისა და ზოგადი განათლების გაღრმავების ხელშეწყობა;
დ) სხვადასხვა ფორმატის ინტელექტუალური აქტივობების (თამაშების, ვიქტორინების, ჩემპიონატების) მოწყობა;
ე) სხვა საქმიანობა, რომელიც გამომდინარეობს კლუბის მიზნებიდან.