კომაროვის შაბათის სკოლა რეგიონებში

 

თბილისში საშაბათო სკოლის ათწლიანი წარმატებული ფუნქციონირების შემდეგ, კომაროვის სკოლის ადმინისტრაციამ გადაწყვიტა ეს პროექტი გააფართოვოს და რეგიონის მოსწავლეებსაც შესთავაზოს.

იმის მიუხედავად, რომ კომაროვის სკოლა თბილისში მდებარეობს იგი მთელი საქართველოს ნიჭიერი მოსწავლეებისთვისაა განკუთვნილი. მოგეხსენებათ, რომ კომაროვის სკოლას აქვს კეთილმოწყობილი პანსიონი, რომელშიც მუდმივად რეგიონიდან 100-ზე მეტი საუკეთესო მოსწავლე ცხოვრობს და განათლებას კომაროვის სკოლაში იღებს სრულიად უფასოდ. 

კომაროვის სკოლისთვის რეგიონებთან ურთიერთობა მეტად მნიშვნელოვანია, ძალიან ბევრი წარმატებული მოსწავლე თუ კურსდამთავრებული სხვადასხვა რეგიონში მცხოვრები ახალგაზრდები არიან. ამიტომაც ვფიქრობთ, რომ საშაბათო სკოლის რეგიონში გახსნა ხელს შეუწყობს უფრო მეტი ნიჭიერი ბავშვის აღმოჩენასა და მომავალში მათ წინსვლას.

ამ ეტაპზე საშაბათო სკოლა ფუნქციონირებს ბათუმის, გორის, დუშეთის, ზუგდიდის, თელავის, მესტიის, ოზურგეთის, რუსთავის, სამტრედიის, საჩხერის, ურეკის, ფოთის, ჭიათურის, ხაშურის, ყვარლის, წეროვანის, ზესტაფონის, საგარეჯოს, ხონის, მცხეთისა და ყაზბეგის რეგიონებში.

საშაბათო სკოლა განკუთვნილი იქნება მათემატიკური ნიჭით დაჯილდოვებულ მე-3, მე-4, მე-5 და მე-6 კლასელ მოსწავლეთათვის.

გაკვეთილებს ჩაატარებენ „კომაროვის“ მიერ შერჩეული კვალიფიციური პედაგოგები. გაკვეთილის ხანგრძლივობა იქნება 3 საათი,  და ჩატარდება კვირაში ერთხელ. გაკვეთილების ძირითადად შეეხება „კომაროვის“ შაბათის სკოლაში აპრობირებულ კლასგარეშე საკითხებს, რომლებიც აზროვნებაზე და ლოგიკაზეა დაფუძნებული. სასწავლო წლის განმავლობაში მოსწავლეებს ექნებათ სამი შემაჯამებელი წერა, რომელთაგან ბოლოს წარმატებით ჩაბარების შემთხვევაში ჩაირიცხებიან „კომაროვში“.

 


ზემოთ