STEM სკოლა საქართველოს ბანკისა და კომაროვის სკოლის ერთობლივი საგანმანათლებლო პროექტია. პროექტის მიზანია, ხელი შეუწყოს საქართველოში ზუსტი და საბუნებისმეტყველო მეცნიერებების ხელმისაწვდომობასა და პოპულარიზაციას.

პირველად საქართველოში საჯარო და კერძო სკოლების საბაზო საფეხურის მე-7, მე-8, მე-9,მე-10 და მე-11  კლასის მოსწავლეებს აქვთ შესაძლებლობა, გაიარონ 1 წლიანი სასწავლო კურსი ონლაინ STEM მიმართულებით და მიიღონ სერტიფიცირებული, აკადემიური, ხარისხიანი თეორიული თუ პრაქტიკული ცოდნა. მოსწავლე არ უნდა ირიცხებოდეს კომაროვის სკოლაში.

STEM სკოლაში 1 მოდულის (4 თვის) სწავლის ღირებულება 400 ლარია. ტესტირების საფუძველზე შერჩეულ საუკეთესო შედეგის მქონე რეგიონელ 30 მოსწავლეს სწავლას და საგანმანათლებლო რესურსებს სრულად უფინანსებს საქართველოს ბანკი.

სასწავლო პროცესი მიმდინარეობს სრულად დისტანციურად, შაბათ-კვირას.

პროექტის ფარგლებში მოსწავლეები იძენენ და იღრმავებენ ცოდნას ისეთ სფეროებში, როგორებიცაა საბუნებისმეტყველო მეცნიერებები (ფიზიკა, ქიმია, ბიოლოგია), ტექნოლოგიები (კომპიუტერული პროგრამირება), ინჟინერია (ელექტროინჟინერია, მიკროელექტრონიკა) და მათემატიკა (ლოგიკური აზროვნება, ალგორითმების შექმნა). შეისწავლიან პროგრამა Tinkercad - ის გამოყენებას, მიკროკონტროლერ Arduino-ს დაპროგრამებასა და მისი სენსორების მართვას. მოსწავლეები სასწავლო კურსის ბოლოს ქმნიან STEM პროექტებს. 

პროექტში რეგისტრაციისთვის ეწვიეთ ბმულს: stem.school.ge 

დამატებითი ინფორმაციისთვის მოგვწერეთ ელექტრონულ ფოსტაზე: stem@komarovi.edu.ge ან დაგვიკავშირდით ნომერზე: 593 33 21 03
(სამუშაო საათები 11:00 – 17:00, შაბათ კვირის გარდა).