რეგისტრაცია შესაძლებელია როგორც ონლაინ (ელექტრონულად), ასევე სკოლაში მისვლით (ადგილზე). 

რეგისტრაციის ვადები: 

• ონლაინ რეგისტრაცია: 26 ივნისიდან 13 ივლისის ჩათვლით; 

• ადგილზე რეგისტრაცია: 26 ივნისიდან 13 ივლისის ჩათვლით.

  მისაღები გამოცდა: 

• გამოცდის თარიღი: 18 ივლისი; 

• გამოცდის ჩატარების ადგილი გამოცხადდება არაუგვიანეს 13 ივლისისა;

• საკონკურსო ადგილების რაოდენობა და პირობები გამოქვეყნდება არაუგვიანეს 13 ივლისისა. 

აღნიშნული ინფორმაცია განთავსდება სკოლის ოფიციალურ ვებგვერდზე.

  ტესტის სტრუქტურა: ტესტი შედგება 25 დახურულბოლოიანი ამოცანისგან:

 • 19 ამოცანა – თითოეული 6 სავარაუდო პასუხით, სწორი პასუხი ფასდება 2 ქულით; 

 • 6 ამოცანა – თითოეული 6 სავარაუდო პასუხით, რომელთა სწორი პასუხები ფასდება შესაბამისად: 2,1; 2,2; 2,3; 2,4; 2,5 და 2,6 ქულით. ტესტის მაქსიმალური ქულაა 52,1.

  ტესტირების ხანგრძლივობა: 2 საათი და 30 წუთი.

რეგისტრაციის გავლა შესაძლებელია როგორც ონლაინ ისე ადგილზე, სავალდებულოა ყველა მსურველისთვის, მათ შორის კომაროვის შაბათის სკოლის მოსწავლეებისთვის. 

ადგილზე რეგისტრაციისას მშობელმა უნდა წარმოადგინოს: ერთ-ერთი შემდეგი დოკუმენტი: 

• მოსწავლის ID ბარათი, ან პასპორტი ან სკოლის მიერ გაცემული ფოტოსურათიანი ცნობა (დაბადების მოწმობა არ გამოგადგებათ) 

ონლაინ რეგისტრაციისას შესაბამის ველში უნდა აიტვირთოს მოსწავლის პირადობის დამადასტურებელი ერთ-ერთი ზემოაღნიშნული დოკუმენტი. ონლაინ რეგისტრაციისთვის გადადით ბმულზე: https://tinyurl.com/ydas7u6w 

  ადგილზე რეგისტრაციის მსურველთათვის: რეგისტრაციის დრო: 11:00 – 17:00 საათი (შაბათ-კვირის გარდა). მისამართი: ქ. თბილისი, ვაჟა-ფშაველას გამზირი N49, სკოლა „კომაროვი“, ადმინისტრაციის კორპუსი.

  გაითვალისწინეთ: კომაროვის სკოლაში ჩარიცხვის შემთხვევაში, საჭირო იქნება სკოლიდან დახასიათების წარმოდგენა, რომელშიც აღნიშნული იქნება, რომ მოსწავლეს არ ჰქონია დისციპლინური გადაცდომები. 

მისაღებ გამოცდაში მონაწილეობის უფლება აქვს მხოლოდ იმ მოსწავლეს, რომელმაც 2025-2026 სასწავლო წელს დაძლია მე-6 კლასი და დადგენილი წესით გაიარა რეგისტრაცია. 

კითხვების შემთხვევაში დაგვიკავშირდით ტელეფონის ნომერზე: 593 33 21 03 ან მოგვწერეთ ელ.ფოსტაზე: gamocdebi@komarovi.edu.ge 

სხვადასხვა წლებში მისაღები გამოცდების ტესტების სანახავად გადადით ბმულზე:https://tinyurl.com/mr3664mt

კომაროვის სკოლა გისურვებთ წარმატებას!